İdman.biz
"Təkliflə bağlı nəsə məlumatım yoxdur".
Bunu İdman.bizə "Sumqayıt"ın futbolçusu Səbuhi Abdullazadə deyib.
O, Türkiyənin "Bodrum" klubunun transfer siyahısında olması ilə bağlı yayılan məlumatlara aydınlıq gətirib. 23 yaşlı yarımmüdafiəçinin sözlərinə görə, hazırda fikrini müqavilə ilə məxsus olduğu "Sumqayıt"ın uğurlarına yönəldib: "Əgər real təklif gələrsə, klubumun verəcəyi qərara görə danışmaq olar. İndi isə dəqiq bir şey yoxdur və nəsə deməyim düzgün olmaz".
Qeyd edək ki, Abdullazadənin "Sumqayıt"la mövsümün sonunadək müqaviləsi var.
Banuçiçək Hüseynli
İdman.biz
