"Premyer Liqanın başqa klublarından da təkliflərim var idi. Fikirləşdim və "Səbail" üzərində dayandım. Düşünürəm ki, bu klubda özümü daha da inkişaf etdirəcəm. Paytaxt klubunda fərqli Fərid Nəbiyev görəcəksiz". Bu sözləri Sport24.az-a açıqlamasında Fərid Nəbiyev deyib.
24 yaşlı yarımmüdafiəçi komandasının Türkiyə toplanışını dəyərləndirməklə yanaşı, yeni mövsümlə də bağlı fikirlərini bölüşüb: "Təlim-məşq toplanışı istədiyimiz şəkildə keçir.Gündə 2 dəfə məşq etməklə optimal forma yığmağa çalışırıq. Məşqlərdə maksimum tər tökürük. Qarşıda bizi 3 yoxlama oyunu gözləyir. Bu matçlarda çalışacağıq ki, gücümüzü ortaya qoyub üstün və çatışmayan tərəflərimizi görüb çempionata maksimum hazır olaq. Qarşıdan gələn mövsümdə yaxşı oynamaq, maksimum uğurlu nəticələr qazanmaqla həm irəli getmək, həm də azarkeşlərimizi sevindirmək istəyirik".
Qeyd edək ki, Nəbiyev ötən mövsüm "Turan Tovuz"un uğurları üçün çalışıb.
ABDULLA İSMAYILOĞLU