Idman.biz
"Komandada ab-hava çox yaxşıdır".
Bunu İdman.biz-ə "Səbail" futbol klubunun futbolçusu Əlirza Müştəbazadə deyib.
O, Misli Premyer Liqasının XXXII turunda "Araz-Naxçıvan"la (1:1) oyunu şərh edib. 23 yaşlı qolkiper bildirib ki, matçda istədikləri nəticəni qazana bilməyiblər: "Araz-Naxçıvan"la qarşılaşmaya qələbə üçün çıxmışdıq, yaxşı da oyun nümayiş etdirdik. Təəssüf ki, iki xalı əldən verdik. Oyun heç-heçə bitdi".
Müştəbazadə komandasının Premyer Liqada qalmaq üçün sonadək savaşacağını deyib: "Dörd oyunumuz qalıb. Bu matçlarda yaxşı nəticə qazanmaq üçün əlimizdən gələnin ən yaxşısını etməyə çalışacağıq. Mayın 3-də "Şamaxı" ilə səfər oyunumuz var. Bu matçın çətin olacağını bilirik. Ancaq meydana qələbə üçün çıxacağıq. Ümid edirəm, hər şey bizim üçün yaxşı olacaq, Premyer Liqada qalmaq istəyirik".
İyunda "Səbail"lə müqaviləsi bitəcək Əlirza komandada qalıb-qalmayacağı ilə bağlı suala cavab verməyin hələ tez olduğunu vurğulayıb.
Qeyd edək ki, "dənizçilər" sona 4 tur qalmış Premyer Liqada yerini itirməyə real namizəd hesab olunur. "Səbail" I Liqaya qayıdışını növbəti turlara təxirə də sala bilər. Finişə 4 tur qalmış 21 xala malik paytaxt təmsilçisi "Kəpəz"dən 7, "Sumqayıt"dan 9 xal geri qalır.
Aytac Sahəd
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
