Sport24.az
"Səbail"in futbolçusu Qorka Laruçça Sport24.az-a müsahibə verib. İspnaiyalı legioner komandasının uğursuz çıxışından danışmaqla yanaşı, bizi maraqlandıran başqa sualları da cavablandırıb.
- Ardıcıl 4 oyundu ki, meydanı məyus tərk edirsiz. "Sabah"la matçda qələbə qazanmaq üçün nə çatmadı?
- Qarşılaşmaya yaxşı başladıq, erkən qol vurduq. Sadəcə, bəzi səhvlər səhvlər etdik və əlimizə düşən fürsətlərdən yararlana bilmədik. Bu da bizə baha başa gəldi.
- Bu qədər səhv etməyiniz nədən qaynaqlanır?
- Çox səhv etdiyimizi düşünmürəm. Son dəqiqəyə kimi meydanda döyüşdük, mübadizə apardıq. Rəqibdən çəkinmədən açıq futbol oynadıq. Sadəcə, iki səhv bizə baha başa gəldi.
- Rəqib daha böyük hesabla qalib gələ bilərdi. "Sabah"ın iki qolu qeydə alınmadı…
- Hakimlik barədə danışmaq mənim işim deyik. Mübahisəli epizodlar üçün əlavə iki VAR referisi var. Həmçinin hakimlər səhv edibsə belə, onları muhakimə etmək düz deyil. Yekunda hər birimiz insanıq və səhvlərdən sığortalanmamışıq.
- Qarşıdakı oyunlara hansı motivasiya ilə çıxacaqsız?
- Biz hər oyuna ciddi hazırlaşır, maksimum nəticəyə köklənirik. Sadəcə, yol verdiyimiz uşaq səhvləri bəxtsizlik səbəbindən istəyimizə nail ola bilmirik. Qarşıdakı oyunlara qələbə üçün çıxacağıq. "Qara zolaq"dan çıxmaq üçün bizə qələbə kifayətdi.
ABDULLA İSMAYILOĞLU
