Idman.biz
"Hazırlığın ikinci mərhələsi çərçivəsində ilk yoxlama matçımız idi. Oyunumuzda bəzi uğurlu və uğursuz elementlər gördük.
İdman.biz xəbər verir ki, bunu "Sumqayıt"ın baş məşqçisi Saşa İliç yay təlim-məşq toplanışı çərçivəsində komandasının "Qəbələ" ilə keçirdiyi yoxlama oyununundan danışarkən deyib.
Mütəxəssis qarşıdakı günlərdə komandanı yeni oyunçularla daha da gücləndirəcəklərini vurğulayıb: "Aydın məsələdir ki, fiziki yükləmələr fonunda bəzi səhvlər olur. Bu oyunda da adi vəziyyətlərdə səhvlər etdik və yekunda məğlub olduq. Amma bu, normaldır və düşünürəm ki, günbəgün daha yaxşı olacağıq. Qarşıdakı günlərdə bir neçə keyfiyyətli oyunçunun bizə qoşulması ilə daha güclü komandamız olacaq".
Qeyd edək ki, görüş "Qəbələ"nin minimal hesablı qələbəsi ilə yekunlaşıb - 1:0. "Sumqayıt" növbəti yoxlama oyununu iyulun 31-də "Kəpəz"ə qarşı keçirəcək.
İdman.biz
