Idman.biz
"Sumqayıt"ın baş məşqçisi Saşa İliç "Kəpəz"lə oyun barədə fikirlərini bölüşüb.
İdman.biz xəbər verir ki, sumqayıtlılar Premyer Liqanın 1-ci turu çərçivəsində evdə 3:0 hesablı qələbə qazanıblar.
Baş məşqçimiz Saşa İliçin oyunla bağlı fikirləri: "İlk ev oyununda qələbə qazandığımız üçün sevincliyik. İlk hissədə yaxşı oynadıq, amma fasilədən sonra problemlər yaşadıq. Bəzi oyunçulara uyğunlaşmaq üçün vaxt lazımdır. Bunları nəzərə alıb, məşqlərdə aradan qaldırmağa çalışacağıq.
Əslində hər matçda hücumameyilli futbol oynamağımızı istərdim. Amma reallıq ondan ibarətdir ki, bu, mümkün deyil. Çünki Azərbaycan Premyer Liqasında "Qarabağ", "Neftçi" və bir sıra güclü komandalar oynayır. Hər bir komandaya qarşı ayrı hazırlaşacağıq".
İdman.biz
