Qol.az
"Biz daha çox şeyə layiq idik. Yeganə məyusedici odur ki, heç-heçə əldə edə bilmədik. Matçın əvvəlində, ilk 10-15 dəqiqə ərzində ritmimizi tapmaqda və lazımi nəzarəti əldə etməkdə çətinlik çəkdik".
QOL.az xəbər verir ki, bu sözləri "Arsenal"ın baş məşqçisi Mikel Arteta Çempionlar Liqasının yarımfinalının ilk oyunu çərçivəsində PSJ ilə keçirilən matçdan sonra mətbuat konfrnasında deyib.
İspaniyalı mütəxəssis evdə 0:1 hesabı ilə uduzmalarına baxmayaraq, şansların bərabər olduğunu bildirib: "Bu, yalnız birinci hissədir. Bunu "Real"la oyundan sonra da demişdim. Parisə gedib qələbə qazanmalıyıq. Oyunu nəzərdən keçirib, onu bir neçə aspektdə təkmilləşdirməyə çalışacağıq. Şanslar hələ də 50/50-yədir. Əgər Çempionlar Liqasının finalına çıxmaq istəyirsənsə, xüsusi bir şey etməlisən".
Qeyd edək ki, komandalar arasında cavab matçı mayın 5-də Parisdə keçiriləcək.
