Idman.biz
Fransalı mərkəz müdafiəçisi Samuel Umtiti 31 yaşında karyerasını başa vurduğunu açıqlayıb.
İdman.biz bildirir ki, 2023-cü ildə "Lill"ə keçən 2018-ci il dünya çempionatının qalibi zədələrə görə 2024-cü ilin yanvarından meydanda görünmür.
Umtiti sosial media hesabında yazıb: "Enişli-yoxuşlu gərgin karyeradan sonra vidalaşmağın vaxtı gəldi... Mən hər şeyi ehtirasla etdim və peşman deyiləm. Birlikdə oynaya bildiyim bütün klublara, prezidentlərə, məşqçilərə və futbolçulara təşəkkür etmək istəyirəm. Və dəstək olan bütün azarkeşlərə təşəkkür edirəm".
Futbolçu 2018-ci ildə dünya çempionu olduğu Fransa millisində 31 oyun keçirib və 4 qol vurub. O, İspaniya çempionatında 91 matçda meydana çıxdığı, iki qol vurduğu və bir məhsuldar ötürmə etdiyi "Barselona"da oynayıb. "Barselona"da müdafiəçi iki dəfə La Liqa çempionluğunu, üç dəfə Kral Kuboku və iki dəfə Superkuboku qazanıb. Umtiti həm də "Lion" və "Leççe"də oynayıb.
Karyerası ərzində "Lion"un yetirməsi zədə səbəbindən 208 oyunu buraxıb.
İdman.biz
