Sport24.az
"Yığmada qələbə ruhunun olmamaması fikiri ilə razıyam. Futbolçular meydana çıxmamış məğlub duruma düşürlər". Bu sözləri Sport24.az-a açıqlamasında Samir Musayev deyib.
Azərbaycan yığmasının sabiq hücumçusu millimizin Macarıstanla oyununu dönüş nöqtəsi hesab edir:
"Bir-iki təcrübəli futbolçular nəsə etməyə çalışır, amma o da yetərli deyil. Futbolçular formalarında daşığıdı bayrağın məsuliyyətini dərk etməlidir. Milli komanda nə deməkdir, başa düşülməlidir. İnanırıq ki, heç olmasa, bu gün Macarıstanla yoxlama oyununda bunu görəcəyik. Bugünkü rəqibimiz bir neçə gün öncə qarşılaşdığımız Latviyadan güclüdür. Meydan sahibi olmağımız bizə üstünlük yarada bilər. Ümid edək ki, Fernandu Santuş nəhayət Azərbaycan millisində ilk qələbəsini qazanmağı bacaracaq. Macarlarla matç dönüş nöqtəsi olmalıdır. Futbolçular xalqın inamını yığmaya qaytarmalıdır".
Qeyd edək ki, Azərbaycan - Macarıstan matçı bu gün"Liv Bona Dea Arena"da keçiriləcək. Oyunun start fiti saat 20:00-da səslənəcək.
