Sport24.az
"Hər iki qarşılaşma gərgin idman mübarizəsi şəraitində keçdi. 4 komanda adını finala yazdırmaq uğrunda mübarizə aparır". Bu sözləri Sport24.az- açıqlamasında Samir Əliyev deyib.
U-21 sabiq baş məşqçisi ölkə kubokunun ilk yarımfinal matçları ilə bağlı fikilərini bölüşüb:
"Qarabağ" və "Araz-Naxçıvan"la müqayisədə "Neftçi" və "Sabah" üçün kuboku qazanmaq daha vacibdir. Çünki çempionatda istədiyi mövqeydə deyillər. Cavab oyunları daha gərgin keçəcək. Bu matçlara təyinat alan hakimlər hazırlıqlı və diqqətli olmalıdır. İlk oyunda "Qarabağ" və "Neftçi"nin minimal hesabla məğlub olmalarına baxmayaraq, şanslar hələ də 50/50-yədir. Bu baxımdan hansı komandaların finala vəsiqə qazanacağını demək çətindir.
Qeyd edək ki, Azərbaycan Kubokunun yarımfinal mərhələsinin ilk oyunlarında "Araz-Naxçıvan" "Qarabağ"ı (1:0), "Sabah" isə "Neftçi"ni (2:1) məğlub edib. Komandalar arasında cavab qarşılaşmaları aprelin 23-də baş tutacaq.
