Sport24.az
"İlk öncə ölkəmizi avrokuboklarda təmsil edəcək bütün komandalara uğurlar arzulayıram". Bu sözləri Sport24.az-a açıqlamasında U-21-in sabiq baş məşqçisi Samir Əliyev deyib.
Əliyev Çempionlar Liqasının II təsnifat mərhələsində rəqibi ola biləcək "Şelburn" (İrlandiya) və"Linfild"in (Şimali İrlandiya) oyun üslublarının bir-birinə bənzədiyini bildirib.
"Qarabağ"a gəldikdə isə fərq eləməz rəqib "Şelburn" və ya "Linfild" olsun. Ətraflı məlumatım olmasa da, hər iki komandanın oyun üslublarının bir-birinə oxşadığını söyləmək mümkündür. Hər-halda "Qarabağ"ın məşqçilər korpusu hər iki komandanı yaxından təhlil edəcək. Ağdamlıların avrokuboklardakı təcrübəsini nəzərə alsaq, hər iki komanda qarşısında favoritdir. İnanıram ki, Qurban Qurbanovun komandası statusunu doğruldub, mərhələ adlayacaq".
Qeyd edək ki, II təsnifat mərhələsinin ilk görüşü iyulun 22-23-də, cavab qarşılaşması 29-30-da baş tutacaq. Ağdam təmsilçisi ilk matçını səfərdə keçirəcək.
