Sport24.az
"İstər azarkeşlər, istərsə də mütəxəssislər üçün maraqlı oyun keçdi. Sürətli, dinamik... Bir sözlə, əsl finala layiq qarşılaşma oldu". Bu sözləri Sport24.az-a açıqlamasında Samir Əliyev deyib.
U-21 yığmamızın sabiq baş məşqçisi Masazır təmsilçisinin ölkə kubokunun finalında "Qarabağ"a gəldiyi oyunla bağlı fikirlərini bölüşüb:
"Qarabağ"ın mövsümdə ikinci titulu qazanmaq istəyi, "Sabah"ın isəavrokuboklara yollanmaq üçün son şansı olması intiriqanı artırırdı. Vurulmayan və vurulan penaltilər gördük. Mövsümün sonunda 120 dəqiqə mübarizə aparmaq çətindir. Buna baxmayaraq, finalda son saniyələrə kimi mübarizə gördük. "Sabah" xarakter nümayiş etdirdi. 90+6-da vurulan qol "Sabah"a ümid verdi ki, əlavə dəqiqələrdə qələbə topunu vurdular. Final oyunu hakimlər üçün çətin keçir. Meydançanın hər qarışı uğrunda mübarizə gedirdi. Tribunaların dolu olması işi daha da məsuliyyətli edir. Hakimlikdə səhv etməmək mümkün deyil. Ona görə də mənim bununla bağlı nəsə deməyim düzgün olmaz".
Qeyd edək ki, Azərbaycan Kubokunun həlledici görüşündə "Qarabağ"a qalib gələn "Sabah" tarixində ilk titula sahib çıxmaqla yanaşı, Avropa Liqasına vəsiqə qazanıb.
