Sport24.az
"Hər kəs səbirsizliklə "Qarabağ"ın səfərdə "Liverpul" ilə oyununu gözləyir. Ağdam klubu məğlub olsa belə, digər qarşılaşmalarda sensasiya olmasa, təmsilçimiz pley-offda mübarizə aparacaq". Bu sözləri Sport24.az-a açıqlamasında Samir Əliyev deyib.
U-21 yığmamızın sabiq baş məşqçisi UEFA Çempionlar Liqasında bu gün baş tutacaq "Liverpul" - "Qarabağ" matçı barədə fikirlərini bölüşüb:
"Liverpul"un çempionatda qeyri-sabit çıxışına baxmayaraq, çətin matç olacaq. Komanda Çempionlar Liqasında uğurlu çıxışı ilə yadda qalıb və növbəti mərhələyə çıxmaq şansını təmin edib. İngiltərə klubuna 3 xal hava-su kimi lazımdır ki, yoluna 1/16-dan yox, 1/8-dən davam etsin. "Qarabağ"ın İngiltərə komandalarına qarşı oynamaq təcrübəsi var. Ümid edək ki, komandamız Liverpul səfərindən heç olmasa bir xalla dönsün".
Qeyd edək ki, bu gün baş tutacaq "Liverpul" - "Qarabağ" oyunu saat 00:00-da start götürəcək.
