Samir Abasov: "Real danışım, "Qarabağ" bizdən güclüdür"

"Neftçi"nin baş məşqçisi Samir Abasov "Zirə"yə 2:1 hesabı ilə qalib gəldikləri Misli Premyer Liqasının XXII turunun oyunundan sonra mətbuat konfransına qatılıb. 

Sport24.az xəbər verir ki, mütəxəssis jurnalistlərin suallarını cavablandırıb...

- Komandanızda yeddi yerli futbolçu meydanda idi. Ruhun qayıtmasında bu amilin rolu varmı?

- Əlbəttə. Amma böyük rolu var deməzdim. Böyük rol odur ki, istər legioner, istər yerliyə o ruhu verə bilirsən. İşlədiyim klublarda legionerlər yerlilərdən geri qalmırlar. Əsas ab-havanı düzəltməkdir

- "Kəpəz"lə kubok oyununu da saysaq, son 3 matçda 3 qələbə. Bu barədə nə deyə bilərsiniz?

- Martın 22-ni demişdim, ancaq hansı ili deməmişdim. Gözləyək(gülür).

- Dramatik sonluğu dilinizdə eşidək...

Təbii ki, bütün komandalar qələbə üçün oynayır. Komanda istəyi göstərisə...bu bizim üçün həmin oyunlardan idi. Udmaq üçün hər şeyi edirik. Qol buraxandan sonra ümid qırılmadı, sadəcə pərişan oldu. Mən özüm enerjimi qələbə üçün sərf etmişdim. Köməkçilərimə dedim ki, qismət budur. Bu qələbəni çıxarmaq mənim üçün xoşdur.

- Sambu və yeni gələcək transfer haqda firkiniz necədir? 

- Qışda oyunçu gətirmək çətindir. Elə oyunçular var idi ki, onlarla danışıq aparırdıq. Dekabrdan onların kublarına çökmüşdük. Əfsuslar olsun ki, onlar alınmadı. Komandamızın hücum planında eyni tempdə oynaya bilməməyimiz bizi narahat edirdi. Düşündük ki, bu gücdən istifadə edək.

Hər kəs bazaya gedir. Prosedurlarımız var. Məşqimizi keçdik. Bu ərəfə bizim üçün çox qısadır. Kubok bizim üçün çox önəmlidir. Kubokda psixoloji o qədər yükləmə verdik. Psixoloji vəziyyətimizi yaxşılaşdırdıq. Üç qalibiyytət bizim üçün böyük iş görmüş kimi mgörürlər. Öz qrafikimizlə gedəcəyik.

- "Qarabağ"la matçda həmin "Neftçi"ni görə biləcəyik? Fərqli Azərbaycan derbisi olacaqmı?

- Bu oyundan sonra ümidlər elədir. Hər bir halda bu oyuna ümidlə baxacaqsız. Mən real danışım, "Qarabağ" bizdən güclüdür. Amma öz meydanımızda oynayacğıq. Hər şeyi edəcəyik. Yaxşı nəticə istəyirik. Bu qalibiyyətdən danışaq. "Qarabağ"la matça köklənməyək. Məşqlərə başlayaq, bu haqda düşünəcəyik.