İdman.biz
"Oyun elə formada gedirdi ki, sanki ya heç-heçə olacaq, ya da qol vuran udacaq. Meydanda mübarizə var idi".
İdman.biz xəbər verir ki, bunu "Sumqayıt"ın baş məşqçisi Samir Abasov deyib.
Təcrübəli mütəxəssis Azərbaycan Premyer Liqasının V turunda öz meydanında "Araz-Naxçıvan"a 0:1 hesablı məğlubiyyəti şərh edib: "Çalışdıq ki, geri düşəndən sonra oyunu ələ alaq. Ötən il də vəziyyətimiz bu cür idi. Yeni transferlər uyğunlaşma problemləri yaşayır. Yəqin, milli fasilə bizə kömək olacaq ki, daha yaxşı ola bilək. Qarşıdakı oyunlara baxacağıq. Futbolçular təzə gəliblər. Onlara da zaman lazımdır. Biz də istəyirik ki, yeni gələnlər komandaya uyğunlaşsın".
Qeyd edək ki, "Sumqayıt" mövsümdə 3-cü dəfə uduzub.
İdman.biz
