İdman.biz
"İkinci hissədə qol vurmaq üçün çox əziyyət çəkdik. Əfsuslar olsun ki, oyun alınmadı".
İdman.biz xəbər verir ki, bunu "Sumqayıt"ın baş məşqçisi Samir Abasov deyib.
Təcrübəli mütəxəssis Azərbaycan Premyer Liqasının II turunda "Turan Tovuz"a 0:1 hesablı məğlubiyyəti şərh edib: "Buradan xalsız dönürük. Bəzi futbolçular yaxşı oyun keçirdilər. Oyunda yaxşı dinamika var idi. Futbolçuların basqıya reaksiya verməsi məni qane etdi. Onlara təşəkkür edirəm. Nəticəyə görə çox üzülürlər. Birinci hissədə bir-iki nəfərin zənciri qırması rəqibin üstünlüyünə çevrilirdi. Belə şeylər də olacaq. Bu da bir təcrübədir. İkinci hissədə oyun tam nəzarətimiz altında keçdi. Çempionat yeni başlayıb. Ümid edirik ki, hər şey yaxşı olacaq. Transfer yoxdursa, belə davam edəcəyik. Transfer olmayacaq deyə məqsədimizdən dönməyəcəyik. Bir oyunda məğlub olmuşuq. Çempionat yeni başlayıb. Bu gün üçün çox möhkəm komandayıq".
Qeyd edək ki, "Sumqayıt" 2 oyundan sonra 3 xal toplayıb.
İdman.biz
