İdman.biz
Sabah bizi ağır və maraqlı oyun gözləyir. Azarkeşlərimizin stadionu dolduracağını düşünürəm. Bizim üçün vacib görüşdür. Ümidləri doğrultmağa çalışacağıq".
İdman.biz xəbər verir ki, bunu "Sumqayıt"ın baş məşqçisi Samir Abasov deyib.
Təcrübəli mütəxəssis Konfrans Liqasının II təsnifat mərhələsində "Fehervar"la keçirilək ilk oyundan əvvəl təşkil olunan mətbuat konfransında iştirak edib. Abasov rəqib haqqında məlumatlı olduqlarını bildirib: "Rəqib haqqında məlumatımız var. "Fehervar"ı təhlil edəndə necə çətin komanda olduğunu görünür. Onların də heyətində dəyişikliklər olub. "Fehervar"ı yoxlama oyunlarını izləmişik. Biz diqqətli oynayıb, nəticə qazanmalıyıq".
Baş məşqçi "Sumqayıt"ın Avropa kuboklarında qələbə qazana bilməməsinə də aydınlıq gətirib. O, tilsimi qırmağa çalışacaqlarını deyib: "Sabahkı oyunda maksimum nəticə qazanmağa çalışacağıq. Bu görüş həm də komandaların bir-birini tanımasına şərait yaradacaq. Əvvəlki səhvləri təkrar etməmək üçün diqqətli oynamaq tələb olunub. İlk matç həlledici deyil".
Samir Abaspv heyətdəki dəyişikliklər barədə də məlumat verib. O, yeni transferlərə vaxt lazım olduğunu deyib: "Sumqayıt"ı tərk edənlər əsas futbolçularımız deyildilər. Yeni oyunçuların komandaya faydası dəyəcək. Sadəcə, bir az vaxt lazımdır. Yerli mühitə, heyətə zamanla tam uyğunlaşacaqlar. Yoxlama oyunlarındakı nəticələr aldadıcı ola bilər".
Qeyd edək ki, "Sumqayıt" - "Fehervar" matçı sabah 20:00-da start götürəcək.
İdman.biz
