Sport24.az
"Neftçi"nin baş məşqçisi Samir Abasov "Sumqayıt"a evdə 1:0 hesabı ilə qalib gəldikləri Misli Premyer Liqasının XXIV turunun oyunundan sonra mətbuat konfransında iştirak edib. Sport24.az xəbər verir ki, mütəxəssis jurnalistlərin suallarını cavablandırıb.
- Matçın sonunda dördlü müdafiəyə üstünlük verdiniz. Görüşün əvvəlindı belə sistemlə oynamağı düşünürsüzmü?
- Hələlik yox. Bunun acısını "Araz-Naxçıvan"la qarşılaşma çəkdik. Oyun ərzində dəyişiklik ola bilər? Bəzən riskə gedirsən. Bunun üzərində durub, çempionatın sonunadək təkmilləşdirsək, daha yaxşı olacağını düşünürəm.
- Vaqif Cavadov penaltinin doğru qərar olmadığını söylədi. Sizcə, oyunun ədalətli nəticəsi nə idi?
- Köməkçilərim baxıblar. Gördülər ki, penalti var. Bu cür oyun barədə danışmaq çətindir. Şərait özü oyunun tempi öldürür, səhvlərə məcbur edir. Meydan yaşıldı, qar təmizdir. Amma sürüşkən idi, top saxlayanda vaxt sərf edirsən, qərarlar verəndə gecikmələr olur..Bunlar anlaşılandır. Bu oyunun nəticəsi heç-heçə, 1:0 olardı, əks-hücumda qol buraxa bilərsən. Komandamdan razıyam. Səbirli oldular. Axıradək inam da var idi. Rəqibin baş məşqçisinin dedikləri? Öz komandasına aiddir. Biz üç xalımızdan, komandamızdan razıyıq.
- Komandanın içində psixoloji durumda hansısa dəyişiklik hiss edirsinizmi?
- Qələbələr abu-havanı düzəldir. Komandanı daha yaxşı hazırlamağa köməklik edir. Daha da yaxşı olmasına çalışırıq. Həftəiçi komandanın içində mənəm və əhval-ruhiyyə yaxşıdır, uşaqlar bir-birinə inanırlar. Məndən əvvlki baş məşqçi ilə əlaqələndirmirəm. Sadəcə, nəticələr təzyiq yaradırdı.
- Sambunun çıxışını necə qiymətləndirirsiniz?
- İlk aylar oyunçuya qiymət vermək çətin olur. Bunun tərəfdarı olmamışam. Özü də bellə hava şəraitində. Burada ancaq mübarizə aparırsan. Hər bir futbolçumuza inanırıq. Allah qoysa, mövsümün sonunaqədər hərəsi bir oyun xeyir versə, irəli getməyimizə kömək olacaq.
- "Qarabağ"la oyundan sonra start heyəti müəyyənləşdirərkən, Yuri Matias seçimində tərəddüdünüz oldumu?
- Heç vaxt, əsla olmayıb. Bir səhvin üzərində duran insan olmadığıma görə, belə şey də olmadı. Amma buna baxmayaraq, qorxumuz da olub, kimsə zədələnər. Matiasın o səhvinə görə oynamayacağını düşünməmişdik.
- Ramil Şeydayev kölgədə qalıb. Sizcə, niyə rəqabətdə məğlub olur?
- Heç bir futbolçumuzun problemi yoxdur. Ramildə də həmçinin. "Sabah"la başqa heyətlə oynadıq. Futboplçudan müsahibə alsanız, keçən həftəki zəif oyununa görə nələrsə ola bilər. Amma bunu da prioritet tumuruq. Çalışırıq ki, hər bir fubtolçunu növbəti matça yaxşı hazırlayaq.
