Sport24.az
"Neftçi"nin bir neçə futbolçusu Misli Premyer Liqasının XII turu çərçivəsində sabah keçiriləcək "Araz-Naxçıvan"la oyundan əvvəl sıradan çıxıb. Sport24.az xəbər verir ki, bu barədə klubun mətbuat xidməti məlumat yayıb.
Bir müddət əvvəlaz zədələnən Filip Ozobiç, Andre Şinyaşiki, Azər Salahlı və Mustafa Sek ilə yanaşı, son məşqlərdə ağrılar hiss edən Alfa Konte və Rəhman Hacıyev zədə səbəbindən sabah meydana çıxa bilməyəcəklər. Rafael Quzzonun oynaması isə sual altındadır.
Qeyd edək ki, sözügedən oyun saat 20:30-da "Neftçi Arena"da başlayacaq.
