Sport24.az
"Neftçi"nin "sükanı arxasına" keçən Samir Abasov komandadaxili ab-havanı düzəltmək üçün ilk növbədə kapitan məsələsini həll etməyə çalışır. Sport24.az-ın əldə etdiyi məlumata görə, 46 yaşlı mütəxəssis yığmalarda olan futbolçuların düşərgəyə qayıtmasını gözləyir.
Komandanın hazırkı və sabiq kapitanları Ramil Şeydeyev və Emin Mahmudov artıq komandaya qoşulsalar da, legionerlər hələ ki, düşərgəyə qayıtmayıblar. Baş məşqçi onların da geri dönüşünü gözləyir. Bütün kollektiv bir araya gəldikdən sonra bazubəndin kimin qoluna taxacağı müəyyənləşəcək.
Redaksiyamıza daxil olan bilgiyə əsasən, Abasov ümumiyyətlə, nə Ramilin, nə də Eminin xətrinə dəyməmək üçün yeni kapitanın seçilməsinin tərəfdarıdı.
