Sport24.az
Tunis millisinin baş məşqçisi Sami Trabelsi Afrika Millətlər Kubokunun 1/8 finalında Maliyə məğlub olduqdan sonra istefaya göndərilib. Sport24.az xəbər verir ki, bu barədə yerli federasiyanın mətbuat xidməti məlumat yayıb.
Müqaviləyə qarşılıqlı razılıq əsasında xitam verilib. 57 yaşlı mütəxəssislə yanaşı məşqçilər heyətinin digər üzvləri də komandadan ayrılıb.
Tunis millisi Afrika Millətlər Kubokunun qrup mərhələsində 4 xalla C qrupunda dörd xalla ikinci olub. 1/8 finalda isə Trabelsinin komandası Maliyə penaltilər seriyasında məğlub olaraq mübarizəni dayandırıb.
Qeyd edək ki, Trabelsi 2025-ci ilin fevralından Tunis yığmasının "sükanı arxasında" olub. Onun rəhbərliyi altında 18 matçda meydana çıxan komanda 10 qələbə qazanıb, dörd heç-heçə edib və dördündə məğlub olub.
