Idman.biz
"Qarabağ" Zaqrebin "Dinamo" klubundan Sami Mmae icarəyə götürüb.
İdman.biz xəbər verir ki, Azərbaycan çempionu müdafiəçi ilə 1 illik müqavilə imzalayıb.
Sami "Qarabağ"da 3 nömrəli forma ilə çıxış edəcək. Peşəkar karyerasına 2014-cü ildə Belçikanın "Standard" klubunda başlayan Sami 2017-18-ci illərdə icarə əsasında Niderland təmsilçisi "Maastrixt"in formasını geyinib. 2018-21-ci illərdə Belçikanın "Sent-Truden", 2021-24-cü illərdə Macarıstanın "Ferensvaroş" klubunda çıxış edən müdafiəçi ötən il "Dinamo"ya keçib. Belçikanın U-19 və U-21 yığmalarında forma geyinmiş Sami 2020-ci ildə debüt etdiyi Mərakeş millisində 10 matç keçirib. O, Çempionlar Liqasının 2024/25 mövsümünün pley-offunda "Dinamo"nun heyətində komandamıza qarşı hər iki oyunda 90 dəqiqə meydanda olub.
Qeyd edək ki, "Qarabağ" bunadək daha üç futbolçunu – braziliyalılar Dani Bolt və Pedro Bikalyo, Fil Dişi Sahilindən olan Kris Kuakunu transfer edib.
İdman.biz
