"Şamaxı" - "Neftçi" oyunu heç-heçə başa çatdı: 2:2 - YENİLƏNİB + VİDEO

Misli Premyer Liqasının 22-ci turu çərçivəsində keçirilən "Şamaxı" - "Neftçi" qarşılaşması 2:2 hesablı heç-heçə ilə başa çatıb.

Gərgin və maraqlı mübarizə şəraitində keçən oyunda hesab ikinci hissədə açılıb. 60-cı dəqiqədə Vensan Abubakar "Neftçi"ni hesabda irəli çıxarıb - 0:1. 75-ci dəqiqədə isə Sezar Enrike fərqlənərək "Şamaxı"nın bərabərlik qoluna imza atıb - 1:1.

Matçın son dəqiqələri daha dramatik alınıb. 90+1-ci dəqiqədə Vensan Abubakar özünün ikinci qolunu vuraraq qonaqları yenidən önə keçirib - 1:2. Lakin oyunda son söz meydan sahiblərinindir. 90+8-ci dəqiqədə Karim Rossi penalti zərbəsini dəqiq yerinə yetirərək hesabı bərabərləşdirib - 2:2.

Beləliklə, tərəflər hərəyə bir xalla kifayətləniblər.

16:28

Misli Premyer Liqasının 22-ci turunun "Şamaxı" - "Neftçi" oyununda hesab yenidən bərabərləşib.

İdman.Biz xəbər verir ki, 90+8-ci dəqiqədə "Şamaxı"nın futbolçusu Karim Rossi penalti zərbəsini dəqiq yerinə yetirərək komandasına bərabərlik qazandırıb - 2:2.

16:21

Misli Premyer Liqasının 22-ci turunun "Şamaxı" - "Neftçi" oyununda yenidən hesab dəyişib.

İdman.Biz xəbər verir ki, 90+1-ci dəqiqədə Vensan Abubakar "Neftçi" klubunu hesabda irəli çıxarıb - 1:2.

16:04

Misli Premyer Liqasının 22-ci turunun "Şamaxı" - "Neftçi" oyununda hesab bərabərləşib.

İdman.Biz xəbər verir ki, 75-ci dəqiqədə "Şamaxı"nın futbolçusu Sezar Enrike qol vurub - 1:1.

15:50

Misli Premyer Liqasının 22-ci turunun "Şamaxı" - "Neftçi" oyununda hesab açılıb.

İdman.Biz xəbər verir ki, 60-cı dəqiqədə Vensan Abubakar "Neftçi" klubunu hesabda irəli çıxarıb - 0:1.

15:32

Misli Premyer Liqasının 22-ci turunun "Şamaxı" - "Neftçi" oyununda ikinci yarı start götürüb.

İdman.Biz xəbər verir ki, ilk hissə qolsuz bərabərliklə yekunlaşıb.

15:18

Misli Premyer Liqasının 22-ci turunun "Şamaxı" - "Neftçi" oyununda fasilə elan olunub.

İdman.Biz xəbər verir ki, ilk hissə 0:0 hesabı ilə yekunlaşıb.

14:31

Misli Premyer Liqasının 22-ci turunun "Şamaxı" - "Neftçi" oyunu start götürüb.

İdman.Biz xəbər verir ki, oyunu hakim Kamranbəy Rəhimov idarə edir.

13:52

"Şamaxı" Misli Premyer Liqasının 22-ci turunda Şamaxı şəhər stadionunda "Neftçi"ni qəbul edir.

İdman.Biz xəbər verir ki, komandalar saat 14:30-da start götürəcək qarşılaşmada meydana aşağıdakı heyətlərlə çıxacaq:

"Şamaxı": 1. Rikardo Fernandes 5. Arsen Ağcabəyov (k) 2. Abdulla Rzayev 97. Oruc Məmmədov 82. Rüfət Abbasov 7. Edqar Adilxanov 9. Karim Rossi 13. Rikardo Apolinario 11. Dioqo Balau 4. Sezar Enrike 44. David Santos
Ehtiyat oyunçular: 62. Abdulla Seydəhmədov 99. Səlim Həşimov 17. Rafael Məhərrəmli 80. Həbib İsmayılov 21. Bilal İsmayılov 27. Emil Süleymanov 48. Ramiz Muradov 77. Nihat Mehralıyev 90. Davud Mənsumov 10. Andrey Tirkoveanu 3. Vladislav Veremeyev 19. Abdullahi Şuaybu
Baş məşqçi: Ayxan Abbasov

"Neftçi": 13. Kenan Piriç 8. Emin Mahmudov (k) 15. Elvin Bədəlov 7. Emil Səfərov 77. Falaye Sako 24. Mustafa Sek 5. İqor Ribeyro 18. İfeanyi Metyu 9. Bassala Sambu 33. Breno Almeyda 11. İmad Faraj
Ehtiyat oyunçular: 1. Emil Balayev 91. Nurəziz Əzizov 4. Elvin Camalov 17. Murad Xaçayev 19. Ağadadaş Salyanskiy 47. Murad Məmmədov 45. Vensan Abubakar 14. Edvin Kuç 70. Andrey Ştoqrin 10. Freddi Varqas 22. Luis Ortis 28. Alessio Kurçi
Baş məşqçi: Yuri Vernidub

09:40

Bu gün futbol üzrə Misli Premyer Liqasının 22-ci turunun oyunu "Şamaxı" "Neftçi" arasında baş tutacaq.

İdman.Biz xəbər verir ki, saat 14:30-da start götürəcək turun mərkəzi qarşılaşmasını Kamranbəy Rəhimov idarə edəcək.

"Şamaxı" 25 xalla turnir cədvəlinin səkkizinci pilləsində yer alıb. 30 xala malik "Neftçi" isə yeddincidir.

Misli Premyer Liqası
İkinci dövrə, 22-ci tur
28 fevral (şənbə)
14:30. "Şamaxı" - "Neftçi"
Hakimlər: Kamranbəy Rəhimov, Eyyub İbrahimov, Kərim Zeynalov, İnqilab Məmmədov
VAR: Cavid Cəlilov
AVAR: Pərvin Talıbov
Hakim-inspektor: Ceyhun Haşımov
AFFA nümayəndəsi: Elgiz Abbasov
Şamaxı şəhər stadionu