Sport24.az
Təxminən iki həftəlik fasilədən sonra bu gün Misli Premyer Liqasında VIII tura start veriləcək. Sport24.az xəbər verir ki, hesabat həftəsinin ilk oyun günündə iki matç baş tutacaq.
"Şamaxı" "doğma divarlar" arasında "Kəpəz"i qonaq edir. Hazırda aktivində 9 xal olan "şirlər" turnir cədvəlinin 7-ci pilləsində qərarlaşıb. "Sarı-göylər" isə mövsümdə xal qazanmayan yeganə komandadır. Meydan sahiblərinin hədəfi bu görüşdən də 3 xalla ayrılıb daha üst pillələrə yüksəlməkdir. Gəncəlilər də meydana eyni istəklə çıxacaq ki, bu da gözləniləndir. Azər Bağırovun komandası Şamaxı səfərindən xalla qayıdıb uğursuz gedişə son qoymaq istəyir.
Qeyd edək ki, oyunun start fiti saat 14:30-da səslənəcək.
Misli Premyer Liqası
I dövrə, VIII tur
14:30. "Şamaxı" - "Kəpəz"
Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov
VAR: Rəşad Əhmədov
AVAR: Zöhrab Abbasov
Hakim-inspektor: Asim Xudiyev
AFFA nümayəndəsi: Azər Əsgərov
Şamaxı. Şəhər stadionu
