Sport24.az
"Oyunun çətin keçəcəyini bilirdik. Həftə ərzində yaxşı hazırlaşmışdıq. Rəqiblə aramızda xal fərqidə az idi. Qalib gəlib rəqibdən uzaqlaşmaq istəyirdik". Bu sözləri Sport24.az-a açıqlamasında "Şamaxı"nın futbolçusu Rauf Rüstəmli deyib.
O, Misli Premyer Liqasının 31-ci turunda "Kəpəz"ə qarşı keçirdikləri oyun haqda fikirlərini bölüşüb:
"Fikrimcə, cari mövsümdə heç də pis təsir bağışlamadıq. Artıq məqsədimizə çatdığımızı deyə bilərik. "Futbol ili"ni daha pillələlərdə başa vurmaq istəyirik. Növbəti mövsümdə daha uğurlu çıxış etməyi düşünürük. Növbəti turda "Turan Tovuz"la səfər matçımız var. Tovuz səfəri həmişə çətin olub. İddialı komandaya qarşı oynayacayıq. Buna baxmayaraq qələbələrimizin davamını gətirmək istəyirik. Onlara qarşı layiqli mübarizə aparacayıq.
Qeyd edək ki, "Şamaxı" "Kəpəz" matçı meydan sahiblərinin 2:1 hesablı qələbəsi ilə başa çatıb.
