Sport24.az
Məhəmməd Salahla "Liverpul"da oynamış xorvatiyalı futbolçu Deyan Lovren misirlinin klubu tərk etmə ehtimalını şərh edib. Sport24.az xəbər verir ki, o, Salahın İngiltərə klubundan ayrılacağını bildirib:
"Mən sizə yaşananları daha ətraflı danışa bilərəm. Salah hesab edir ki, klubda bəzi çatışmazlıqlar var və ümid edir ki, tezliklə aradan qaldırılacaq. Amma indiki reallıq ondan ibarətdir ki, o, müqaviləni yeniləməkdənsə, klubdan ayrılmağa üstünlük verir".
Lovren açıqlamasında daha bir etirafla yadda qalıb:
"Bir gün ona zəng edib "sən özün barədə düşünməlisən. Bu kluba etdiklərinə, bundan sonra nə edə biləcəyinə bax" söylədim. Sonda belə qənaətə gəldim ki, klub ona kifayət qədər hörmət etmir. Pərdə arxasında çox şey qalır və azarkeşlərin bundan xəbəri yoxdur".
Qeyd edək ki, misirli futbolçu 2017-ci ildən "Liverpul"un formasını geyinir. Salah cari mövsümdə bütün turnirlərdə 34 oyun keçirib, 26 qol vurub və 18 məhsuldar ötürmə edib. Futbolçunun müqaviləsi 2025-ci ilin iyununda başa çatır.
