Sport24.az
"Liverpul"un futbolçusu Məhəmməd Salah Premyer Liqanın XII turunda "Sauthempton"u məğlub etdikləri görüşlə (3:2) bağlı fikirlərini bölüşüb. Sport24.az xəbər verir ki, matçda iki qol vuran və komandasının qələbəsində böyük pay sahibi olan misirli hücumçu bunları deyib:
"1:2-dən sonra geridönüş etmək xüsusidir. Qələbə qazandığımız üçün şadam, vacib olan budur. Hər oyun çətin keçir. "Sauthempton" sonuncu sırada olsa da, yaxşı oynadılar, bizə qol vurdular.
Düşünürəm ki, yaxşı oyun planımız var idi. Oyunumuza sadiq qaldıq və imkanlarımızdan yararlandıq. Geridə olanda ancaq qol şanslarını dəyərləndirməyi düşünürdüm".
