Sport24.az
"Coşqunun iki qol vurması normal haldır". Bu sözləri Sport24.az-a açıqlamasında Şahin Diniyev deyib.
Təcrübəli mütəxəssis Türkiyənin I Liqasında çıxış edən "Çorum"un heyətində çıxış edən oğlu Coşqun Diniyevin ötən gün "Yeni Malatyaspor"a iki qol vuraraq komandasına qələbə qazandırmasını belə dəyərləndirib:
"Çorum"da bir məşqə çıxıb, ilk oyununda iki qol vurması sevindiricidir. Bu, adaptasiya baxımından çox vacib idi. Həm də oyunun ən yaxşısı seçilməsi klub rəhbərliyini qane edir ki, etdikləri transfer yaxşı çıxdı. Düşünürəm öz mövqeyində daha yaxşı oynaya bilər gələcəkdə. Bu baxımdan millimiz üçün də xeyirli ola bilər".
Qeyd edək ki, "Çorum" turnir cədvəlində 38 xalla 4-cü yerdədir. "Yeni Malatyaspor" isə -21 xalla sonuncu pillədə qərarlaşıb.
