Sport24.az
"Araz Naxçıvan"nın nəticələri gözlənilməz idi. Amma heyətə baxanda görünürdü ki, onlar ciddi rəqabətə hazırlaşır. Yaxşı heyətləri var. Legionerlərin səviyyəsi yüksəkdir".
Bu sözləri Sport24.az saytına açıqlamasında Şahin Diniyev deyib.
O, bu mövsüm "Araz Naxçıvan"nın uğurlu çıxışını belə dəyərləndirib:
"Elmar Baxşıyevin hər mövqedə 2-3 oyunçusu var. Futbola əsas nəticədir. "Qarabağ" və "Araz Naxçıvan"ın güclərinə baxası olsaq, Ağdamlılar üstün görünür. İndiki durumda "Qarabağ" iki liqada oynayır. Avrokuboklar bitəndən sonra tam heyətlə maksimum nəticə qazanmağa çalışacaqlar. Onların səviyyəsi nəinki "Araz Naxçıvan"dan digər 8 komandadan yüksəkdir".
Diniyev həmçini Naxçıvan təmsilçisinin avrokubok şanslarını belə dəyərləndirib:
"Futbolda nəticəni əvvəldən demək mümkün deyil. Yığılmış heyət rotasiyalar etmək üçün kifayətdir. "Turan Tovuz", "Zirə" və ya "Sabah"ın stabil çıxış etməməsi o deməkdir ki, "Qarabağ"dan sonra ikinci əsas namizəd "Araz Naxçıvan"dır. Bütün bunlar öz əllərindədir".
