İdman.biz
"Belə oyundan sonra danışmaq çətindir. Matçın ədalətli nəticəsi heç-heçə idi".
İdman.biz xəbər verir ki, bunu "Səbail"in baş məşqçisi Şahin Diniyev deyib.
Təcrübəli mütəxəssis Azərbaycan Premyer Liqasının III turunda "Sumqayıt"a 1:2 hesablı məğlubiyyəti şərh edib: "Düşünürəm ki, 1 xala layiq idik. Birinci hissədə çox qol fürsətlərindən istifadə edə bilmədik. Bəzi futbolçular təlim-məşq toplanışı keçməyiblər. Yorğunluğa görə 5 əvəzetməyə məcbur olduq. Buna görə də oyunun tempi bir az düşdü. Sonda konsentrasiyanı itirdik. Cərimə meydançasında rəqib oyunçunu heç kim qarşılamadı. Lüzumsuz, bəsit 2 qol buraxdıq. Məğlubiyyətə layiq deyildik. Yolumuza davam edəcəyik. Səhvləri minimuma endirmək üçün çalışacağıq. Komanda düzgün yoldadır".
Qeyd edək ki, "Səbail" 3 turdan sonra 1 xalla 9-cu pillədə qərarlaşıb.
İdman.biz
