Sport24.az
"Qarabağ" Liqa mərhələsinədək avrokuboklarda yaxşı çıxış edirdi. Bunu danmaq olmaz". Bunu Sport24.az-a açıqlamasında Azərbaycan millisinin sabiq baş məşqçisi Şahin Diniyev deyib.
58 yaşlı mütəxəssis Ağdam təmsilçisinin Liqa mərhələsindəki çıxışı ilə bağlı fikirlərini bölüşüb:
"Qarabağ"ın Çempionlar Liqasında da oyunları var idi. Bolqarıstan təmsilçisi "Ludoqorets"lə oyunu xatırlayaq. Yaxşı qarşılaşmaları olub. Ancaq Liqa mərhələsində cəmi bir qələbəsi var. Bir neçəsində də qalib gələ bilərdi. Sadəcə, bəxt və futbol şansı bəzən "Qarabağ" tərəfdə olmadı. Bəzi matçlarda qələbəyə daha çox yaxın idilər. Oyun baxımından rəqibə uduzmasalar da, yekun hesabda məğlub oldular. Düşünürəm ki, bu hər kollektivdə 4-5 ildən bir təkrarlana bilən haldır. Avropanın bəzi aparıcı klubları da 1-2 il yüksək səviyyədə çıxış edirlər, 4 il gözə dəymirlər. Bu futbolda gözlənilən şeydir".
Bəs nəyə görə bu problem var? Eyni futbolçularla bir neçə il davam edə bilmərsən. Rəqiblər də "Qarabağ"ı yaxşı öyrənə, analiz edə bilirlər. "Qarabağ"ın avrokuboklarda uğursuz çıxış etdiyini düşünmürəm. Keçmişə baxmaq lazımdır. Start pis alınmamışdı. Düşürəm ki, "Qarabağ" bir az yenilənmədən sonra yenidən öz sözünü deyə biləcək".
