Sport24.az
"Bu oyun prestij baxımından "Qarabağ" üçün vacibdir. Bu sözləri Sport24.az-a açıqlamasında Azərbaycan millisinin sabiq baş məşq Şahin Deniyev deyib.
Təcrübəli mütəxəssis bu gün UEFA Avropa Liqasının Liqa mərhələsinin VIII turunda Yunanıstanda keçiriləcək "Olimpiakos" - "Qarabağ" qarşılaşması ilə bağlı fikirlərini bölüşüb:
"Bu matç "Qarabağ" üçün turnir cədvəli və irəliyə addım baxımından önəm kəsb etmir. Artıq komandanın qələbə qazansa belə, avrokuboklarla vidalaşdığı bəllidir. Meydan sahibləri üçün isə olduqca vacib görüşdür. Onlar birbaşa 1/8 final mərhələsinə vəsiqə qazanmaq istəyirlər. Bu oyunda bu mütləq qalib gəlməlidirlər. Amma futbolda belə bir şey var ki, qarşılaşmaya motivasiyasız çıxsan belə, meydanda istədiyin hər şeyi edə bilirsən. Sakit tərzdə, soyuqqanlı oynayırsansa, daha rahatsan. Komanda halında hər şey alına bilər. "Qarabağ" qapını yaxşı vurub getməlidir. Bunun üçün əlində fürsət də var. Azərbaycan çempionunun Avropada formalaşmış bir imici də mövcuddur. Bu imici aşağı salmamalıdır. Turnir cədvəlinə baxmadan oynayacaqlar. Bizi maraqlı görüş gözləyir".
Qeyd edək ki, bu gün baş tutacaq qarşılaşma Bakı vaxtı ilə saat 00:00-da start götürəcək.
