Sport24.az
"DÇ-2026-nın seçmə mərhələsi öncəsi sonuncu yoldaşlıq oyunlarıdı. Artıq heyət və sistem bilinməlidir". Bu sözləri Sport24.az-a açıqlamasında Şahin Diniyev deyib.
Təcrübəli mütəxəssis iyunun 7-də səfərdə Latviya yığması ilə qarşılacaq millimizin oyunundan gözləntilərini açıqlayıb:
"Əvvəlki matçlardakı kimi ekispermentə yer yoxdur. Qarşıdakı iki görüş sentyabrda keçiriləcək oyunların təqdimatı kimi də sayıla bilər. Fernandu Santuş yeni komanda, yeni sistem yaratmaq istəyir. Bunun üçün yetərincə zaman verilib. Artıq bu iki matçda komandanın potensialını görəcəyik. Əsas hesab deyil, yığmanın necə futbol oynamasıdır. Qələbə qazanarıqsa, psixoloji cəhətdən özünəinam yarana bilər. Latviya bizə uyğun rəqibdir, Macarıstan isə nisəbətən güclüdür. Seçmə mərhələdə oynayacağımız rəqiblər Macarıstana yaxındır. Onlarla oyunda həmin sistemi yoxlamaq olar".
Qeyd edək ki, Azərbaycan millisi iyunun 7-də Riqada Latviya, bundan 3 gün sonra isə Bakıda Macarıstan yığması ilə üz-üzə gələcək.
