İdman.biz
"Bir müddət futboldan kənar qalıb istirahət etmək istəyirəm".
Bunu İdman.bizə "Səbail"in sabiq baş məşqçisi Şahin Diniyev deyib.
58 yaşlı mütəxəssis Misli Premyer Liqasının XII turunda "Kəpəz"ə 0:1 hesablı məğlubiyyətdən sonra istefa verib. O bildirib ki, müəyyən müddət istirahət edib, yenidən hansısa klubun sükanı arxasına keçmək niyyətindədir: "Karyerama yekun vurmaq? 80 yaşım yoxdur, 58 yaşım var. Bir qədər istirahətdən sonra yeni başlanğıclarla bağlı qərar verəcəm".
Qeyd edək ki, "Səbail" bu mövsüm Azərbaycan çempionatında Diniyevin rəhbərliyi altında 12 oyunda 7 xal toplayıb.
Emin Ağa
İdman.biz
