Idman.biz
Azərbaycan I Liqasının startına bir gün qalmış "Şahdağ Qusar" azarkeşləri xoş xəbər eşidiblər.
İdman.biz Fanat.Az-a istinadən xəbər verir ki, şimal təmsilçisi özünə yeni sponsor tapıb.
"Metak" şirkətinin Qusar təmsilçisini himayəyə götürməyə hazırlaşdığı bildirilir. Bununla bağlı danışan klubun rəhbəri, veteran futbolçu Rahid Əmirquliyev sponsorla danışıqlar apardıqlarını vurğulayıb: "Çalışırıq ki, komandanın maliyyə dayaqlarını möhkəmləndirək. Bu yöndə fəaliyyətimiz davam edir. Konkret "Metak"a gəlincə, ortada dəqiq heç nə yoxdur. Daha doğrusu, onlarla aramızda görüş olmayıb. "Metak" və ya digər sponsorla razılıq əldə olunduqda, məlumat verəcəyik".
Qeyd edək ki, "Şahdağ Qusar" çempionatın ilk turunda "Ordu" ilə qarşılaşacaq. Oyun 11 sentyabrda Binədə baş tutacaq və 16:30-da start götürəcək.
İdman.biz
