Sport24.az
"Ona komandaya gəldiyi üçün təşəkkür edirəm. 2-3 Araz kimi futbolçumuz olsaydı, bu gün sonuncu pillədə yox, daha üst yerlərdə olardıq". Bu sözləri Sport24.az-a açıqlamasında "Neftçi" İK-in rəhbəri Sadıq Sadıqov deyib.
Təcrübəli idman funksioneri Araz Abdullayevin "Qaradağ Lökbatan"da çıxışına münasibət bildirib:
"Araza "Qaradağ Lökbatan"a gəlməyi təklif etdim. Nə məndən pul istədi nə də başqa bir şey. "Siz mənə vaxtında dəstək olmusuz" deyib, təklifi qəbul etdi. Baş məşqçi Amitin özü də elə. Araz Premyer Liqada çıxış edə biləcək səviyyədə futbolçudur. Yaşı da buna imkan verir".
Qeyd edək ki, "Qaradağ Lökbatan" 15 turdan sonra I Liqada turnir cədvəlinin sonuncu pilləsində qərarlaşıb.
