Sport24.az
"Qaradağ Lökbatan" mövsümün əvvəlində yeni yığılanda problemlərimiz oldu. Böyük məsuliyyətsizlik var idi. Çempionatın ortasında baş məşqçini dəyişib, Amit Quluzadəni gətiridik. Gənc mütəxəssisdir, "Neftçi"də oyunçumuz olub. Perspektivi var". Bu sözləri Sport24.az-a açıqlamasında "Neftçi" İK-nın rəhbəri Sadıq Sadıqov deyib.
O, cari mövsüm üçün qəsəbə təmsilçisinin qarşısına qoyulan məqsəd barədə də danışıb: "Bu il üçün məqsədimiz Birinci Liqada qalmaqdır. Bunu bacarsaq, növbəti il daha fərqli "Qaradağ Lökbatan" görəcəksiz".
Sadıqov ötən mövsüm yaşananlarla da bağlı fikirlərini bölüşüb: "Ötən il hakimliklə bağlı problemimiz oldu. Hakim səhvlər edə bilər, amma o dərəcədə yox. Premyer Liqaya vəsiqə də qazana bilərdik, təəssüf ki, alınmadı. İnanıram ki, AFFA-da baş verən proseslər, assosiasiyanın klublara maliyə yardımı və s. vasitəsilə növbəti ildə normal komanda yığıb, uğurlu çıxış edəcəyik. Bu il kollektivdə bir legioner var. O da demək olar, pulsuz oynayır".
Qeyd edək ki, I Liqada 16 turdan sonra "Qaradağ Lökbatan" 12 xalla 10 komanda arasında sonuncu pillədə qərarlaşıb.
