Sport24.az
"Əl-Nəsr"in 33 yaşlı hücumçusu Sadio Mane Portuqaliya millisinin hücumçusu və komanda yoldaşı Kriştiano Ronaldo haqqında danışıb. Sport24.az xəbər verir ki, o, bu barədə "Rio Ferdinand Presents" "yutub" kanalına açıqlama verib:
"Onunla şəxsən görüşməzdən əvvəl belə, oyunlarını televiziyada izləyir, onun barəsində xəbərləri oxuyur, peşəkarlığını, mentalitetini, inanılmaz ciddiliyini görürdüm. Və bura gəlib onunla görüşəndə də məhz bunu gördüm. O, inanılmazdır, hər gün çox çalışır və 40 yaşında olmasına baxmayaraq, yenə də qalib gəlmək və ən yaxşı şəkildə çıxış etmək istəyir. O, sözün hər mənasında tam bir idmançıdır".
Qeyd edək ki, Ronaldo bu mövsüm "Əl-Nəsr"in heyətində bütün turnirlərdə 11 oyuna çıxıb, 10 qol vurub və 2 məhsuldar ötürmə edib.
