Sport24.az
"Qarabağ"ın sabiq futbolçusu Dino Ndlovu özünə yeni komanda axtarır.
Sport24.az xəbər verir ki, 34 yaşlı hücumçu karyerasını ölkəsində davam etdirmək niyyətindədir.
Türkiyənin aşağı liqa təmsilçisi "Sakaryaspor"dan ayrılan Ndlovu hazırda azad agent status daşıyır. O, xidmətini "Kayzer Çifs"ə təklif edib. Hücumçusu Eşli Du Preezi Portuqaliyaya yola salan Yohannesburq təmsilçisi də ön xətdə yaranan boşluğu məhz Ndlovu ilə doldurmağın əleyhinə deyil. Hazırda tərəflər arasında danışıqlar gedir.
Qeyd edək ki, Dino Ndlovu 2016-cı ilin yayından 2017-ci ilin sonuna qədər ölkəmizdə "Qarabağ"ın formasını geyinib.
