Sport24.az
"Neftçi"nin sabiq futbolçusu Gilyerme Pato yenidən komandasını dəyişib. Sport24.az xəbər verir ki, braziliyalı vinger bu ilin yanvarında keçdiyi "Mirassol"dan ayrılıb.
Braziliya B Seriyası təmsilçisi "Amerika Mineyro"nu Patonu heyətinə cəlb edib. Klub bununla bağlı rəsmi açıqlama yayıb. Pato "Amerika Mineyro" ilə 1 illik müqavilə imzalayıb.
Xatırladaq ki, 2022-ci ilin yanvarından 2023-cü ilin fevralına qədər "Neftçi"də oynayan Gilyerme Pato bu müddət ərzində 32 rəsmi matçda meydana çıxıb, 2 qol vurub. O, "Neftçi"dən ayrıldıqdan sonra Braziliyanın C seriyası təmsilçisi "Fiqeyrense"yə keçmişdi.
