Sport24.az
"Bizim üçün olduqca gərgin matç oldu. Səfərdə sərgilədiyimiz üstün oyun və böyükhesablı qələbəni qoruya bilmədik. Buna baxmayaraq, komanda yoldaşlarım rəqibin zəfər qazana bilməsinə də imkan vermədilər. Belə həyəcanlı və dramatik keçən oyunda kənarda qalmaq və matçı tribunadan izləmək çox çətindi. Şükürlər olsun ki, penaltilər seriyasında rəqibi məğlub edə bildik. Həm qapıçımız yaxşı çıxış etdi, həm də bəxtimiz gətirdi". Bu sözləri Sport24.az - a açıqlamasında Anatoli Nuriyev deyib.
Yığmanın da şərəfini qoruyan yarımmüdafiəçi zədəsi barədə danışmaqla yanaşı, meydana dönəcəyi tarixi də açıqlayıb: "Zədəm demək olar sağalıb. Hər şey qaydasındadı. Amma oynayıb-oynamayacağımı deyə bilmərəm. Ola bilsin növbəti mərhələdə İrlandiya təmsilçisi ilə matçda adım protokola daxil edilsin. Hər şey baş məşqçinin qərarından asılıdı. İstənilən halda zədədən sonra özümü yaxşı tərəfdən göstərmək üçün əlimdən gələni edəcəm".
Qeyd edək ki, cümə günü "Sabah" hayfa "Makkabi"sini mübarizədən kənarlaşdırmaqla Konfrans Liqasının III mərhələsinə yüksəlib.
