Sport24.az
Avropa Liqasının 1-ci təsnifat mərhələsində "Sabah"ın rəqibi olan "Sele" heyətini yeni futbolçu ilə gücləndirib. Sport24.az xəbər verir ki, Sloveniya təmsilçisi "Vorskla"dan (Ukrayna) Milot Avdilini transfer edib.
Bu barədə klubun mətbuat xidməti məlumat yayıb.
Kosovo U-21 millisinin üzvü ilə 2028-ci ilin yayına kimi nəzərdə tutulan müqavilə imzalanıb.
Qeyd edək ki, "Sabah" "Sele" ilə ilk oyunu 10 iyul tarixində Bakıda keçirəcək. Komandalar arasında cavab görüşü isə bir həftə sonra Sloveniyada baş tutacaq.
