Idman.biz
"Sabah"ın və Özbəkistanın gənclərdən ibarət yığmasının yarımmüdafiəçisi Umarali Raxmonaliyev Azərbaycandakı həyatı və oyunu ilə bağlı təəssüratlarını bölüşüb.
İdman.biz xəbər verir ki, Kazanın "Rubin" klubundan icarəyə götürülən futbolçu ölkəmizdə özünü rahat hiss etdiyini qeyd edib.
"Özümü evimdəki kimi hiss edirəm, çünki mədəniyyət və hər şey Özbəkistana bənzəyir. İnsanlar, dinlər və münasibətlər bizimkilərlə eynidir", deyə Raxmonaliyev "BorodAbata" YouTube kanalına müsahibəsində deyib.
Yarımmüdafiəçi Azərbaycan çempionatının səviyyəsini də yüksək qiymətləndirib: "Yerli çempionat güclüdür və bizim avrokuboklara düşmək şansımız var. Bütün komandalar səy göstərir".
Gələcək karyerası və "Rubin"dönmək ehtimalı ilə bağlı suala o, belə cavab verib: "Bu barədə heç nə deyə bilmərəm, çünki icarə əsasında buradayam. Bundan sonra klublar qərar verəcəklər - burada qalacağam və ya "Rubin"ə qayıdacağam. Bu, gələn il məlum olacaq. İndi heç nə deyə bilmərəm, çünki bu, məndən deyil, komandadan asılıdır".
İdman.biz
