Sport24.az
"Sabah"ın futbolçusu Boyan Letiçin Sport24.az-a müsahibəsi
- Misli Premyer Liqasının 31-ci turunda evdə "Səbail"i 3:2 hesabı ilə məğlub etdiniz. Oyun haqqında nə deyə bilərsən?
- Matçın bizim üçün həqiqətən çətin keçdiyini deyə bilərəm. İki dəfə hesabda geri düşdük, amma yenə də qalib gələ bildik.
- Çətinliklə qələbə qazanmağınıza səbəb nə oldu?
- Rəqib də çempionatda qalmaq üçün mübarizə aparır. Biz də mövsümün sonunadək hər qarşılaşmada qalib gəlməyi hədəfləyirik. Deyə bilərəm ki, xüsusilə bu görüşün son 10 dəqiqəsində komandamız xarakter nümayiş etdirdi.
- Aprelin 23-də Azərbaycan Kubokunun yarımfinal mərhələsinin cavab oyununda "Neftçi"ni qəbul edəcəksiniz. Bu matç haqqında fikirlərin nədir?
Bu raundun cavab qarşılaşması hər iki tərəf üçün çox vacibdir, önəmlidir. Çünki komandalar avrokuboklara vəsiqə üçün diqqətini məhz ölkə kubokuna yönəldibər.
- İlk dueldəki 2:1 hesablı qələbə işinizi bir az asanlaşdıra bilər?
Səfərdə qeydə alınmış nəticə hələ heç nəyi həll etmir. Üstünlüyümüz olduğunu bilib arxayınlaşmamalıyıq, bu cür düşüncəni yaxına buraxmaq olmaz. hər şeyin sıfırdan başladığını düşünməliyik, yalnız bu cür düşüncə ilə müsbət nəticə əldə edə bilərik.
- Hazırda kubokda mübarizəyə davam edən komandalar üçün sıx qrafikdir. Əlavə motivasiyaya ehtiyacınız varmı?
Azarkeşlər bizə motivasiya verə bilərlər. Bütün tərəfdarlarımızı bu oyuna gəlməyə çağırıram. Onların dəstəyi bizim üçün çox vacibdir. Dolu tribunalar önündə oynamaq tam başqa motivasiya verir. Futbol azarkeşlər üçün oynanılır.
