Sport24.az
"Ötən ildən tərəfdaşlıq etdiyimiz şirkətlərdən biri də "Costa Coffee"di. İstədik ki, Bakının mərkəzində həm adı çəkilən kafe, həm də fan-şopumuz olsun. Bu gün də gördüyünüz kimi klubumuz bir çox çeşiddə formalar və aksesuarlar təqdim edib. Əvvələr fan-şop məhsullarımız ancaq "Bank Respublika Arena"nın ərazisindəki mağazalarımızda satılırdı. Amma artıq şəhərdə də satış mərkəzlərimizi artırmağı düşünürük". Bu sözləri Sport24.az-a açıqlamasında "Sabah"ın icraçı direktoru Pərvin Piriyev deyib.
Klub rəsmisi "Costa Cofee" şirkəti vasitəsiylə gələcəkdə "Sabah"ı Böyük Britaniyada tanıdılması perspektivindən də danışıb: "Costa Coffee" şirkəti ilə əməkdaşlıqda klubumuzun Biritaniyada təbliğatıyla bağlı hər hansı tələb yoxdu. Amma bir haldakı "Costa Coffee"nin ölkəmizdə bir fililalı varsa, bunun özü də hardasa təbliğatdı. Odur ki, gələcəkdə komandamızın Birləşmiş Krallıqda reklam olunması istisna deyil".
Pərvin bəy qarşıdan gələn avrokubok oyununda və Premyer Liqada reallaşdırmaq istədikləri yeni layihələr barədə də məlumat verib: "Ötən mövsüm bir çox layihələrimiz oldu. Müsabiqələrin keçirilməsi, müxtəlif lotoreyalar, azarkeşlərin stadiona cəlb olunması yönündə təşkil olunan müxtəlif tədbirlər, fan-zonanın yaradılması və s. Avrokubok oyunlarının özünü bəlli qayda və qanunları var. Buna baxmayaraq, UEFA-nın qoyduğu çərçivə daxilində fəaliyyətimiz və layihələrimiz olacaq. Bununla bağlı tək "Costa Coffee" yox, bütün əməkdaşlıq etdiyimiz şirkətlərlə danışığımız olub. Maksimum çalışacağıq ki, reklamlarımızla "Sabah"ı Avropa səhnəsində tanıqdıraq".
