Sport24.az
"Fikrimcə, yaxşı oyun oldu". Bu sözləri Sport24.az-a açıqlamasında "Sabah"ın futbolçusu Con İrasabal deyib.
İspan müdafiəçi Misli Premyer Liqasının 34-cü turunda "Şamaxı"ya qalib gəldikləri (3:1) oyunla bağlı fikirlərini bölüşüb:
"Amma buraxdığımız qoldakı kimi səhvlərə qarşı daha diqqətli olmalıyıq. Belə detallar qələbə ilə məğlubiyyət arasındakı fərqi müəyyən edə bilər. İstənilən halda qələbə həmişə xoşdur".
O, çempionatda sona iki tur qalmış dördüncü sıradakı "Turan Tovuz"la 5 xallıq fərqin olmasına münasibət bildirib:
"Düşünürəm ki, rəqib 4-cü yer üçün lazım olan xalları toplayacaq. Amma istənilən halda biz də çempionatın son iki oyununu qazanmaq istəyirik. Bunun üçün sona kimi mübarizə aparacağıq".
