Idman.biz
"Biz "Qarabağ"a hörmət edirik".
Bunu İdman.biz-ə "Sabah"ın futbolçusu Pavol Şafranko deyib.
30 yaşlı hücumçu Azərbaycan Kubokunun finalında "Qarabağ" üzərində qələbə qazandıqları oyunu şərh edib. O bildirib ki, matç bir çox məqamlarla yadda qalıb: "Yaxşı oyun oldu. "Qarabağ" çox güclü komandadır, amma günün sonunda biz daha şanslı idik. Hər final çətindir. Amma ən vacibi budur ki, nəticədə biz qalib gəldik. Bu da əla oldu. Nə deyəcəyimi bilmirəm, bilirsiniz, biz çox xoşbəxtik, bu, tarixi qələbədir və bu klub buna layiqdir. Çünki idman direktoru da daxil olmaqla, hamı bu klub üçün çoxlu enerji sərf etdi və qələbə üçün əllərindən gələni etdilər".
Qeyd edək ki, Azərbaycan kubokunun final qarşılaşmanın əsas vaxtı 2:2 hesabı ilə yekunlaşıb. "Sabah" 90+6-cı dəqiqədə məğlubiyyətdən qaça bilib. Komanda 119-cu dəqiqədə qələbə topunu da vuraraq, tarixində ilk titulunu qazanıb.
Aytac Sahəd
İdman.biz
