Idman.biz
Azərbaycanın da təmsil olunacağı Avropa Liqasının I təsnifat mərhələsinin 16 iştirakçısından 7-si bəllidir.
İdman.biz xəbər verir ki, püşkatma zamanı səpələnməmişlər səbətində yer alacaq təmsilçimizin 3 mümkün rəqibi dəqiqləşib.
"Sabah" ölkə kubokunu qazansa, qitənin 2-ci dərəcəli klub turnirinə yollanacaq. Mükafat "Qarabağ"a nəsib olsa, Avropa Liqasına yenə "Zirə" yollanacaq.
Bakı klublarından hansının yarışı qatılmasından asılı olmayaraq, səpələnməyəcək. Bu üzdən komandamızı güclü rəqib gözləyir.
8 səpələnmişdən üçü müəyyənləşib. Bunlar "Şaxtyor", "Legiya" və ÇFR-dir. Nisbətən zəif görünən "Selye", "Paksi" və Trnava "Spartak"ı da mümkün rəqiblərə qoşula bilər. Bu üç komandanın səbəti hələ dəqiqləşməyib.
Avropa Liqası
I təsnifat mərhələsi
Səpələnmişlər
"Şaxtyor" (Ukrayna)
"Legiya" (Polşa)
ÇFR (Rumıniya)
Səpələnməmişlər
"Aktobe" (Qazaxıstan)
Azərbaycan klubu
Kosovo klubu
Qeyri-müəyyənlər
"Selye" (Sloveniya)
"Spartak" (Slovakiya)
"Paksi" (Macarıstan)
Serbiya klubu
İsrail klubu
Kipr klubu
İsveç klubu
Xorvatiya klubu
Bolqarıstan klubu
Moldova klubu
Qeyd edək ki, I təsnifat mərhələsinin püşkatması iyunun 17-də olacaq. II təsnifat mərhələsinin püşkü isə ertəsi gün atılacaq.
Vüqar Xeyrullayev
İdman.biz
