Sport24.az
Misli Premyer Liqasının V turunun ikinci oyun gününə Masazırda yekun vrulacaq. Sport24.az xəbər verir ki, "Sabah" "doğma divarlar" arasında "Turan Tovuz"u qəbul edir.
Hər iki komanda avrokubolara iddialıdır. Bu üzdən matçın gərgin idman mübarizəsində keçəcəyi gözlənilir. "Bayquşlar" mövsümə istənilən kimi başlamasa da, "boz qurdlar" liderlər qrupunda yer alıb. Qonaqlar bu gün 3 xal qanacağı təqdirdə turnir cədvəlinin zirvəsinə yüksələ bilər.
Qeyd edək ki, hesabat turunun digər 2 qarşılaşması - "Araz-Naxçıvan" - "Qarabağ" və "Sumqayıt" - "Neftçi" görüşü sabah baş tutacaq.
Misli Premyer Liqası
I dövrə, V tur
19:30. "Sabah" - "Turan Tovuz"
Hakimlər: Rəvan Həmzəzadə, Cəmil Quliyev, Gülnurə Əkbərzadə, Kamranbəy Rəhimov
VAR: Rəşad Əhmədov
AVAR: Əli Əliyev
Hakim-inspektor: Asim Xudiyev
AFFA nümayəndəsi: Seymur Səlimli
"Bank Respublika Arena"
