Idman.biz
"Sabah" bu gün UEFA Konfrans Liqasının II təsnifat mərhələsində ilk oyununa çıxıb.
İdman.biz xəbər verir ki, Bakı təmsilçisi Moldovada "Petrokub"un qonağı olub.
Valdas Dambrauskasın baş məşqçisi olduğu komanda Kişineuya qələbə ardınca yollanıb. Avropa Liqasında Sloveniya "Selye"sinə uduzan Azərbaycan kubokunun sahibi məğlubiyyəti qitənin üçüncü dərəcəli klub yarışında sığortalayıb.
Uzun müddət hesabı aça bilməyən "Sabah" 82-ci dəqiqədə istəyinə çatıb. Kapitan Pavol Safranko fərqlənib. Son dəqiqədə daha bir qol vuran təmsilçimiz Bakıya böyük üstünlüklə dönür.
UEFA Konfrans Liqası
II təsnifat mərhələsi, ilk oyun
24 iyul
21:00. "Petrokub" (Moldova) - "Sabah" (Azərbaycan) - 0:2
Qollar: Pavol Safranko, 82. Kahim Parris, 90
Baş hakim: Qal Leyboviç (İsrail)
"Petrokub": 1. Silviu Smalenea, 90. İon Cardan (k), 21. Maksim Potirniçe, 24. Sedrik Nqa, 66. İon Bors, 11. Serjiu Platiça, 44. Cessi Cou, 39. Teodor Lunqu, 79. Viktor Boqasius, 13. Maksim Kojokaru, 23. Mihaay Lupan
Baş məşqçi: Şota Maxaradze
"Sabah": 92. Stas Pokaatilov, 3. Rəhman Daşdəmirov, 5. Stiv Solvet, 40. İqor Noqeyra, 80. Akkim Zedadka, 10. Anatoli Nuriyev, 22. Zinədin Uld Xaled, 13. İvan Lepenitsa, 70. Cesse Sekidika, 20. Coy-Lens Mikels, 18. Pavol Safranko (k)
Baş məşqçi: Valdas Dambrauskas
Kişineu, "Zimbru" stadionu
Qeyd edək ki, cavab matçı iyulun 31-də keçiriləcək.
İdman.biz
